သံသရာခရီးသည်..

မကြိုဆို၊ မဖိတ်ခေါ်ပဲ လာပါလို့

မပြောသော်လည်းပဲ..

ရောက်လာခဲ့ကြရတယ်။



လောကအလယ်၊

အသက်ရှင်သမျှ၊ ကာလပတ်လုံး

လူးလာခေါက်တုံ့၊ လှုပ်ရှားရုန်းကန်ရင်းနဲ့ပဲ...

တွေ့ကြုံဆုံကွဲကာ...


သြော်... မသွားနဲ့လို့ဆိုလည်း...

တားမရ၊ ဆီးမရနိုင်ပါလေ။

လောဘ၊ ဒေါသ၊ မောဟရယ်..

အ၀ိဇ္ဖာ ပစ္စယာ သင်္ခါရတွေကြား..

တည်မြဲခြင်း ဆိုတာ အလျင်းမရှိပဲ...

တစ်ယောက်တစ်လက်၊ တစ်ခရီးစီ..

ခွဲခွာထွက်မြဲ၊ လာကာသွားရင်း..

ခရီးတစ်ခုကိုဆက် နေကြရတယ်လေ။


ဒီလောက၀ယ်..

ပြည့်စုံ ကုန်လုံခြင်းရယ်လို့....

စိုးစဉ်းမျှမရှိ၊ ဖောက်လွဲဖောက်ပြန်၊

မတည်မြဲခြင်းရဲ့နောက်...

ဖြစ်ချင်တာမဖြစ်ရသလို၊

မဖြစ်ချင်တာကြုံတတ်ကြရစမြဲမို့လေ။


ဒီလိုနဲ့....

အချိန်တန်အိမ်ပြန်ချိန်ရောက်တော့လည်း..

မဆိုင်းမတွ၊ ကောက်ခါငင်ကာပဲ....

ထွက်ခွာ သွားကြရပြန်တယ်။

ဘယ်ဆီဘယ်ဝယ်၊ ဘယ်ခရီးကို..

ဘယ်လိုသွားရလေဦးမည်မသိ..

တစ်ကိုယ်ထီးတည်း၊ လျှောက်ကာလှမ်းရင်း..

မဆုံးသေးတဲ့ခရီးကို နင်ရင်းနဲ့..


သြော်... သံသရာခရီး ဧည့်သည်ပါတကား ။      ။

ကိုမျိုး (မိုးညှင်း)

 

လောက...

လောကဓမ္မတာ

လူဆိုတာ ဖြစ်လာသမျှတော့..

အို၊ နာ၊ သေဘေး

ပြေးမလွတ်ဘူး၊

မသွေ မုချ၊ကြုံကြမည်သာ။



ဥစ္စာ၊ ချီးနှီး

ကိုယ်ထီးထီးသာ၊ သွားရချေလိမ့်။

နွား၏ နောက်က၊ လှည်းလိုက်ပါသို့..



ကံသာ အမိ၊ ကံသာအဖ

ကောင်းမှူ၊ မကောင်းမှူ..

ပြုသမျှ ကံသာ၊ ခံစံရခြင်း၊

ရှိကြပေလိမ့်။


ကိုမျိုး (မိုးညှင်း)

 

သင်...

- သင် လူ့ဘ၀ထဲသို့ ၀င်လာစဉ်..

   သင် ငိုနေခဲ့တဲ့အခါ...။

   အားလုံးက သင့်ကို ကြည့်ပြီး..

   ရယ်နေခဲ့ကြတယ်နော်..။



 - ပြီးတော့....

   သင် လူ့လောကကြီးမှ

   ထွက်ခွာသွားရတော့မယ့် အချိန်မှာ၊

   အားလုံးက သင့်ကိုကြည့်ကာ...

   ငိုနေကြပါလိမ့်မယ်၊



 - အဲဒီအချိန်မှာ

   သင် ရီ(ရယ်)နိုင်အောင်ကြိုးစားပါ။