ကိုယ့်စိတ်ကိုကိုယ် သိတယ်ဆိုတာ ကိုယ့်ရဲ့ အကောင်းဆုံးအရည်အချင်းတွေ
ထွက်လာဖို့ အဓိကအကြောင်းဖြစ်တယ်။ ဒီတစ်ခုကိုမှ မလုပ်လုိ့ရှိရင် ပိုကောင်းတဲ့
တစ်ခြားအရည်အချင်းတွေ ထွက်မလာနိုင်ဘူး။
လူနဲ့တိရစ္ဆာန် ခြားနာမှူဖြစ်တဲ့ မိမိစိတ်ကိုမိမိ သိခြင်းဆိုတဲ့ စွမ်းရည်ဟာ အတိုင်း
အတာ ကန့်သတ်ချက် မရှိဘူး။ လူကို လူပီသအောင် လုပ်ပေးတဲ့ စွမ်းအားသတ္တိ
ဖြစ်ရုံတင်မကပါဘူး။ သာမန်လူထက် ပိုလွန်တဲ့၊ ထူးကဲတဲ့ မြင့်မြတ်တဲ့ လူသားတစ်ဦး
ဖြစ်အောင် လုပ်ပေးနိုင်တယ်။
လူတိုင်းမှာ တကယ်မလုပ် မဖြစ်တဲ့အလုပ်တစ်ခုပဲရှိတယ်။ ကိုယ့်အကြောင်းကိုယ်သိဖို့ပဲ။
ကိုယ့်အကြောင်းကိုကိုယ် အမှန်အတိုင်း သိရတာ မသက်သာပါဘူး။ ကိုယ့်စိတ်ကိုကိုယ် သိလာတဲ့အခါမှာ အင်မတန်ကြီးမားတဲ့ အင်အားတစ်ခုကို တွေ့ရတယ်။ အားငယ်စိတ်
ကြောက်စိတ် မရှိတော့ဘူး။ ချီးမွန်းတာ ကဲ့ရဲ့တာကို မကြောက်တော့ဘူး။ ဆင်းရဲတာ ပင်ပန်းတာကို မကြောက်တော့ဘူး။ ဘာကိုမှ မကြောက်တဲ့စိတ်ကို ရတယ်။
ကိုယ့်စိတ်ကိုကိုယ် သိနေတဲ့သူဟာ အကျိုးမရှိတာ လုပ်ချင်တဲ့စိတ်ကို ဦးစားမပေးတော့ဘူး။ အကျိုးရှိတာကို ဦးစားပေးတယ်။ လုပ်သင့်တာတွေကို ပိုလုပ်
ဖြစ်တယ်။ ဒါကြောင့် ကိုယ့်ဘ၀ဟာ ပိုပြီး အဆင်ပြေလာတယ်။
ကိုယ့်စိတ်ကိုကိုယ် အမှန်အတိုင်းမသိရင် ကိုယ့်စိတ်က ဂယောက်ဂယက်
ဖြစ်နေရင် ကိုယ့်မှာဘာ powerမှ မရှိဘူးလို့ပြောလို့ရတယ်။ မောဟကြီးတဲ့သူရဲ့စိတ်မှာ
power မရှိဘူး။ သတိကြီးတဲ့သူ၊ သမာဓိကြီးတဲ့သူ၊ ညဏ်ပညာကြီးတဲ့သူရဲ့စိတ်မှာ
Power ရှိတယ်။
ကုသိုလ်ကောင်းမှူတွေ အမျိုးမျိုးရှိတဲ့အထဲက တကယ်အကျိုးအများဆုံး အင်အားအကြီးဆုံးကုသိုလ်ဟာ မမေ့မလျော့ သတိနဲ့နေတာ.
"အပ္ပမာဒေါ အမတံ ပဒံ" ဆိုတာ။ အပ္ပမာဒေါ- မမေ့မလျော့ခြင်းသည်၊ အမတံ-
မသေခြင်း၏ (တစ်နည်းအားဖြင့်) နိဗ္ဗာန်၏၊ ပဒံ- အကြောင်းပင်တည်း။ "ပမာဒေါမစ္စုနော ပဒံ" ဆိုတာ။ ပမာဒေါ- မေ့လျော့ခြင်းသည် မစ္စုနော-သေခြင်း၏၊ ပဒံ- အကြောင်း ပင်တည်း။ "အပ္ပမတ္တာ နမီယန္တိ- မမေ့မလျော့သူတို့သည် မသေကုန်။"
"ယေ ပမတ္တာ ယထာမတာ- မေ့လျော့သူတို့သည် သေသူတုိ့နှင့်တူကုန်၏။"
သတိရှိနေခြင်းသည်ပင်လျှင် စိတ်ဓာတ်နဲ့အသိဥာဏ်ကိုမြှင့်ပေးထားတာနဲ့ တူတယ်။
မေ့တိမေ့လျော့နေတာဟာ ကိုယ့်ရဲ့ စိတ်အဆင့်အတန်းကို ကျသွားအောင် ဘ၀အဆင့်
အတန်းကို ကျသွားအောင် ခွင့်ပြုထားတာနဲ့ တူတယ်။
လူတစ်ယောက်ရဲ့ စိတ်နေသဘောထား အကျင့်သီလ၊ အသိဥာဏ်၊ လုပ်ရည်
ကိုင်ရည် စသည်ဖြင့် အားလုံး အဆင့်မြင့်မားလာဖို့အရေးမှာ အခြေခံအကျဆုံးအချက်ဟာ
သတိပဲ။ စိတ်ထားတွေ၊ အသိဥာဏ်တွေ၊ လုပ်ရည်ကိုင်ရည်တွေ၊ လူမှူရေး၊ စီးပွားရေးတွေ
ပါ တဖြည်းဖြည်း တိုးတက်လာချင်ရင် တတ်နိုင်သလောက် ကိုယ့်စိတ်ကို သိပြီးနေပါ။
No comments:
Post a Comment